Silabis ak metodoloji

Fakilte Lengwistik Aplike

Inivèsite Leta Ayiti

Analiz tèks kreyol

Pwofesè : Jean Pierre ANTOINE

1.      Kad konseptyèl ak objektif kou a.

Kou ATK a ap bay etidyan Fakilte Lengwistik Aplike yo tout metòd, tout zouti syantifik nesesè pou yo analize tèks anjerenal e tèks kreyòl anpatikilye. Gras ak kou sa a etidyan yo ap kapab dekouvri tout ladrès yon otè itilize pou li ekri yon tèks. Yo ap genyen kapasite pou ekri nenpòt tèks kelkeswa tip la; kit yo anpwoz oubyen anvè. Zouti kou sa ap mete nan men etidyan yo ap bay yo tou kapasite pou yo sèvi ak konsèp syantifik pou konprann diferan tip tèks : tèks agimantatif, woman elatriye. ATK se yon kou ki pèmèt etidyan konprann, detaye (analize), ekri (pwodwi tèks) ak apresye tout sa ki se tèks oubyen sa yo pwodwi alèd yon tèks : tankou apresye, kritike yon fim, yon enfòmasyon nan yon jounal ak tout sa ki mande refleksyon.

Kou sa a se baz lòt kou etidyan yo ap bezwen nan lòt nivo yo : Semyotik, Lengwistik e Literati san nou pa bliye yon kou enpòtan yo rele Analiz Diskou.

Zouti nou mete nan men etidyan FLA yo pa depaman ak zouti yo sèvi pou analize tèks ak pwodwi li yo nan tout lang moun pale sou latè.

Nan fen kou a, etidyan yo ap kapab an mezi pou analize ak konpoze divès  tip tèks ; kit li oral kit li sou yon sipò.

2.      Kontni

·         Tèks ak kontèks

·         Tip tèks :

- esplikatif

- enfòmatif

- agimantatif

- enjonktif

- naratif

- entèvyou

·         Prensip fondamantal

- inite sijè

- repriz enfòmasyon

- òganizasyon ak pwogresyon enfòmasyon

- absans kontradisyon

- pwennvi

·         Mak òganizasyon tèks

-  tit ak entèliy

-  paragraf

-  mak tipografik

·         Eleman òganizatè

-  sekans tèks

-  paragraf

-  òganizasyon tèks

·      Òganizasyon yon tèk san :

-  sekans naratif

-  sekans esplikatif

-  sekans deskriptif

-  sekans agimantatif

·         Modelizasyon

·         Mak modalite

3.       Demach ak aktivite

·         Kou, esplikasyon, diskisyon;

·         Espoze etidyan yo fè;

·         Devwa nan klas.

4.      Evalyasyon

·         Prezans ak patisipasyon                                                                                  10%

·         Rechèch, dewva ak espoze                                                                             30%

·         Egzamen final                                                                                                 60%

5.      Bibliyografi

·         ADAM, Jean-Michel, 2004, Linguistique textuelle : des genres de discours aux teste, Paris, Nathan Université.

·         ADAM, Jean-Michel, 1990, Éléments de linguistique textuelle : théorie et pratique de l’analyse textuelle, Bruxelles, Mardaga.

·         JEANDILLOU, Jean-François, 2007, L’analyse textuelle, Paris, Armand Colin.

·         AUCHLIN Antoine et MOESCHLER Jacques, 2000, Introduction à la linguistique contemporaine, Paris, Armand Colin / HER.

·         BAJEUX, Jean Claude, 1999, Moso chwazi pawò ki ekri an kreyòl ayisyen, Editions Antilia, p. 449.

·         CHARAUDEAU, Patrick, MAINGUENEAU, Dominique, 2002, Dictionnaire d’analyse du discours, Paris, Seuil.

·         ADAM, Jean-Michel, 1976, Linguistique et discours littéraire, théorie et pratique des textes, Canada, Librairie Larousse.

·         MAINGUENEAU, Dominique, 2000, Analyser les textes de communication, Paris, Nathan.

·         JAKOBSON, Roman, 1963, Essais de linguistique générale, Tome I (Les fondements du langage), Paris, Editions de Minuit.

·         JAKOBSON, Roman, 1973, Essais de linguistique générale, Tome II (Rapports internes et externes du langage), Paris, Editions de Minuit.

·         POMPILUS, Pradel, Le problème linguistique haïtien, Port-au-Prince, Editions Fardin. 

                          Bon travay akademik!